Netvibes Translators Forum

Tungjatjeta trima

Së pari urime për punën e deritanishme për përkthimin e Netvibes-it. Përpjekja ime për të dhënë një dorë këtu e një vit më parë humbi për arsye burokratike dhe, më vonë, për shkak të neglizhencës sime dhe mungesës së kohës.

Idesë ju ktheva pasi drejtuesit e lokalizimit të Firefox-it kërkuan përfshirjen e Netvibes si lexuesi parazgjedhje i prurjeve RSS te rekomandimet e parazgjedhura të Firefox-it.

Më duhet të kërkoj falje për bërjen e ndryshimeve në shumë nga kontributet tuaj të deritanishëm. Por duhet ta shihni këtë si të vetmen rrugë për të pasur një përkthim që është në një vijë me atë të Firefox-it. Për të qenë kështu e vetmja rrugë me të cilën, përdoruesi që njihet me Netvibes-in përmes këshillës së gjetur te Firefox-i, të mbesë në një mjedis koherent përsa u përket termave të përkthimit. Edhe në rast se do të keni dëshirën e papërballueshme për të ndryshuar pjesë të përkthimit, do t'ju lutesha fort dhe sinqerisht të prisnit të paktën ndonjë muaj pas qarkullimit të Firefox-it 3 në Shqip. Pra një lloj moratoriumi të përkohshëm, të cilin e shoh në interes të të dy palëve të përdoruesave: përmes përdoruesave të Firefox-it Netvibes-it në Shqip do t'i shtoheshin përdoruesa të tjerë; me Netvibes-in në Shqip, përdoruesve të Firefox-it do t'u ofrohej edhe një tjetër lexues dhe administrues i plotë dhe modern prurjesh RSS.

të fala
Besnik

Shkabaj@shkabaj.tk

U përpoqa që përkthimi të mos mbetej zombie si deri tani. Për fat të keq, nisur nga rikthimet që po u bën vargjeve, rikthime shpesh në gabime madje edhe ortografike (mjafton të shohësh "Ç'kyqu"-in në faqen hyrëse të Netvibes) duket se ky projekt përkthimi ka nevojë për më tepër seriozitet.

Nëse kjo është përgjigjja ndaj ftesës sime, nuk më mbetet gjë tjetër veç të largohem dhe të kërkoj një projekt të ri përkthimi për Shqipen (SQ këtë radhë).

Paçi fat!